Rapper hend Angst vor Neuem, will es fehlt ihna an Eier drum tüands alli so wia Fraua und reden nur über Kleider I muass Brilla glaub mol putza, will I xehn nur no so Scheisse Rap isch a Digitaluhr und iar drehen halt am Zeiger iar Mongos, iar blieben chancelos hocken nur im Rüümli und nebeln sich zua wia London I bin jez as Problem und aktiver als dr Klimawandel luag bi eu hets meh Flachwixer als ir Niederlande für mi isch das eifach kei Ufwand Rapper kleiden sich bunt, damit ihra Scheiss amol uffallt wenn iar fly sind, denn bin I flyer wia Flugblatt in Trainer vu Adidas, Nike und Puma I pose mit minem Profigrinsa holend euri Zeichnigsblöck iar könnt a Poster pinsla vum wohl geilsta Gschöpf vor euer Fotilinsa will bi eu hets meh Eierköpf als uf dr Osterinsla! Ref. Und dia andera do dusa sind alli so usbrannt luag üs a Homie, miar sind sowas wia d'Usnahm sind d'Usnahm iar huara Langwiiler! Mach uf diner Shoppingtour, a Stopp in Chur kauf dr Skillz, üs goht dä Stoff nia us I schlof nia us, I stohn denn uf wenn iar no träumen vu Bitches, Traumschloss und Pool a grossa Urlaub, schlohns dr us em Kopf, weisch I nutz dia Chance us luag mini Mama a, niamert xeht stolzer us frog mini Mama man, üs kunnt kei Schrott ins Huus kei dämlichi Cats, wo nu Grücht glauben statt in elenda Ghettos in Büsch lauern wills mi zämaschloh wend, doch zu nüt taugen denn wenns mi mol päcken, so wia Füz hauen los heben dia Händ hoch; gwüss Bauer luag all Rapper gönd d'Wänd hoch wia Grüschtbauer dia Meischta könnt kei Gschichta verzella, hend kei Gschichta z'verzella, müand sich gschissa verstella I nit, I kum mit dena Bars ans Ziel iar sind wia gfärbti Hoor nur im Asatz real I will kei Beef, doch isch was du Spassverderber luag denn klatschts, Plitsch Platsch, wia Wasserwerfer!

Und I bin a sowas wia dr nögsti T..., nur ohni Marx und Engels und ohni dä Scheiss Kriag, üs het dr Hass verändert geschter no zäma betrunka in ara bunta Heimat hüt simmer nüchtern und wend üs nur no vu anander unterscheida im '91 loht dr Tüfel sina Hund vur Leina und erst viel z'spot pfiift er ihn wieder zruck, I meina es isch nur recht druck I a Träna us em Gsicht nit will es kitschig isch, nei, sondern us Respekt vor dera Gschicht I weiss sie reden davo, Kid sie hend Angst vor dr Generation X, dr Generation -ić uf dem Album dian I jedem als Vorbild lohn di eifach trieba, Zit dass dini Seela davo schwimmt so simmer halt as bizli melodrammatisch, romantisch eher nostalgisch und alles andera wär falsch will das Leba so hart isch, und I mein nit eures, hend miar an Humor entwickelt, wo wia z'Universum so schwarz isch so dunkel wia d'Unendlichkeit, I khör du witsch unendlich Reims willkomma dahei Buab, willkomma dahei Bruader I rappa do drüber als Sturm und Dränger, Zit dass miar was unternehmen dia Strossa im Blick wia Hundefänger, während iar nur umahängen und i schwör I losa euri Alba kei Sekunda länger schleuder sie geg a Betonwand vu minem Block, dass Funka regnen weisch z'Verständnis schickt sina neua Unterhändler es wird nämli Zit, dass mengi Horizont mol bunter werden luag mina Style isch zwüscha Trainer und Tunikas miar sind Emir Kusturicas, miar kömmen in kei Disco ohni Schläg vu Securitas, schön luag dia Kultur a wia sie leben im duranand in üsem schöna UNO-Land nei I mein im Uhraland, nei I mein im Puuraland nei I mein, dass I nur Hüchler um mi uma han, dass I verfuula mag das isch Tragikomödia, es git gar nüt z'beschöniga Scheiss Kanariavögel iar könnt alles hola, ob Panzer, Flugi, U-Boot dr Erst wo Gold goht dank 20'000 Jugos für Usasiter so ganz wiit dus wia Pluto alli Rapper werden kidnappt vu 20'000 Ufos iar hend an Scheiss kapiart drum luagen Puura bin kei Rapper nur an geila Siach mit guater Luuna an Fels in dr Brandig, denn um mi uma hets nur Schuumschläger I rappa nit als Weltverbesserer, sondern als Usländer sie verkaufen roti Päss und hoffen dass miar ussterben aber miar hend Identität und as Recht, dass miar sie usleben! Ref. Lohn mi versuacha es diar z'erkära iss und trink mit miar und los a Wiili zua und nochher lohn üs bitte drüber reda aber z'erscht verzell I diar wia alles agfanga het

Text: 1980er z'Buchs am Bahnhof neugierigi Blick us verschmutzta Waggons as Päärli stiegt us so verschupft und planlos mit dr Hoffnig sie segen im Luxus akoh zweimol eifach und noch ara Saison zruckkehra zum glicha Gleis für d'Heifahrt sie sind nit allei, no dutzendi Päärli usbüchst vu dahei mit Wurzla ir Ferni bekannti Gsichter empfangen sie Lüt us em glicha Dorf, wo sit Johra schu ganga sind Schiaber bsorgen ihna Wohnig und Job und als Provision goht dr ersti Lohn schu mol hopps ma verkarrt sie in an Bus uf Chur ma seit, döt macht ma Stutz im Nu und sie bruchen z'Geld für z'Huus, wo sie dunna wend jez wo sie an Platz gfunda hend, bruchens Batza fürs Fundament und ihri Kinder wachsen dunna uf d'Grossmuatter dahei passt uf ihri Junga uf bald goht d'Sunna uf und wer wunderts nit trösten sie sich, sie blieben doch nur für a kurzi Zit Ref. Geld pflücka vu da Bäum Spoti 80er, sie stoht und schwitzt am Laufband z'Chur in dr Schoggifabrik, so grausam alles fühlt sich grau a wia sini Hoffnig, wo stirbt im Schatta vum Baukran und ma kennt sie nit in dr Stadt doch ihri Gsichter schreien: Schichtarbeiter ihri Ehe liidet und sie stritten immer öfters sie beschimpft ihn immer öfters und er antwortet denn ihra mit Schwinta immer öfters und wenn denn mol ihri Kinder bizli trötzeln kriagens mengisch grad vu beidna eis hinter ihri Löffel jo genau, jez sind au ihri Kids do sie hend sie z'fescht vermisst und drum mit in d'Schwiz gholt in a fremdi Umgebig, überzügt sie würen sich schu z'rechtfinda, es söll nur schlecht glinga egal z'Huus isch so guat wia fertig es fehlt nur no d'Fassada und paar Bluama im Gärtli Ref. 1990er: Plünderparty nüt isch sicher, wenns dr Gwünner ha will und was sie nit bruchen, das zündens a, will -- warum wüssen dia Sünder gar nit ir Schwiz sind sie schu sit ara Wiili verlora in ihrem neua Huus werden sie wohrschinli nia wohna denn in das isch jez a fremdi Familia izoga vu aswo vertrieba und döt verzwiifelt higfloha verbi mit dr Traumwelt paar Johr schaffa und zruck kehra ins Huus wo sie baut hend denn jez patrouilliaren in ihrem Garta Blauhelm vor em Lohn, wo Fremdi ihna klaut hend sie stecken fest zwüscha döt und do zwüscha hüt und morn, zwüscha Glück und Zorn es isch wiit weg obwohl sie schu zehn Johr do wohnen, wüssen sie nit wia ma in dr Schwiz lebt nur ihri Kinder hends gahnt und sind usgrissa Jovano: druf gschissa er nimmt sie an dr Hand und striichelt ihri Finger und seit: „I glaub miar blieben do für immer." Ref. 2014

Üsa Balkan isch bloss an Kaffifleck uf dr Blaupausa vum grossa Architekt Seiltanza uf Bruchstella Grenzstei/Grabstei ufstella und drum bin I as Derivat us zwei Kontinent drei Religiona, glich ei Gott wo lenkt as Gemenge us Orient und Okzident das isch dr Ort, wo all 50 Johr as Dorf verbrennt as Resultat us 100 Johr Sklaverei und allerlei Luuna vu Grossmächt Liaba isch kei paradajz bunti Volkstrachta und farbigi Schaudergschichta Frauagschichta, Fabla us Zauberkischta Ref. Belgrad, Zagreb, Sarajevo Europas Alter Ego döta dr schreiend Mob an Anti-Demos do dr Eierkopf wia Calimero I mag mina Nochbur kenna und zerrupf jeda Zuun Jugosphära, willkomma im vernunftleera Ruum d'Ufklärig will am Mensch z'Mysterium klaua Zwerga, Feea, Meerjungfraua für d'Prinzessin dr Millenium Falka mit Tiberium tanka denn allei gega z'ganza Imperium sausa ab und zua bin I meh Schwizer, als miar liab isch meh Michi als miar liab isch, meh Wixer als miar liab isch was das bedütet? I han leider kei Plan I glaub I möchti säga, dass dr ganzi Scheiss Tag I hin und her pendla zwüscha idealisiarter und realer Heimat was hend iar us miar gmacht? Jugo si heisst au, kei Gegawart ha dini Eltera erinneren di jeda Tag dra dass es früahner dunna besser xi isch und du do übermorn schu vergessa si wirsch Ref.